عيني عليكي يا مــــــــــــصــــــــر ....
طب هيبقي شكلك عامل ازاي وتوري وشك لجيرانك واصحابك ازاي وحتي اعدائك ازاي لو كسب فلة من الفلول انتخابات الرئاسة ... لا وكمان ايه شعبك هو اللي اختارة .... فلة من اعوان النظام السابق الفاسد .... فلة من اختيار مبارك ... فلة كان اخرس واعمي واطرش عن فساد واهمال وطين النظام السابق علشان فرح بالمرمغة في شوية فلوس واراضي وحساب ضخم في البنك وكل ده من فلوس الشعب المطحون .... اه الشعب المطحون اللي شبه المواطن المطحون اللي كان بيطلع في قصص فلاش واحنا صغيرين ... بصي يا مصر ابقي خبي وشك ... و اللي يسألك انتي مصر بلد الشهداء اللي ضحوا بروحهم علشان باقي الشعب يعيش قولي لهم لا انا مش مصر انا واحده شبها كوبرتها مسخوا شكلها (مصريين) بس ( مصريييين ) يعروا شعبها .... لا انا مش مصر انا واحده بتتتقطع بتتتشد من كل ناحية بتتتبهدل بتتتمرمرط ... ما تشدش .. ما تشدش انتي ... قلولهم كفايه ... يتجمعوا علي حبي .... احسن ما .....يتفرقوا علي غلبي ... يختاروا الرئيس الصح ولو مرة واحده في حياتهم .... يختاروا اللي بجد يرضي ضميرهم.. يرضي اطفالهم.. يرضي دم ولادهم .. يرضي عينهم.. يرضي قلوبهم.. يرضي عقولهم .... يرضيني .... يخليني ارفع رأسي ...أهب وأنط وأشب ... وأجري وأضحك... وأرقص و العب ... وولادي كلهم يشبعوا من خيري وما يرحش خيري ... لحد غيري ...... هو ده كتير عليا ... بس هما يختاروا الصح وأنا هبقي أصح ............... مني